Шахтинск қаласындағы «Нұр»мешіті нұрланып тұр, бұлай деуге толық негіз бар. «Жақсының жақсылығын айт нұры тасысын»- деп атам қазақ ризалығын жеткізу үшін айтқан сөз болар деп түсіндім. «Жас келсе, іске»- деген тәжірибелі, жастайынан өмірін дінге арнаған Хумар Қоныскерей бауырымыз имам болғалы бірсыпыра жұмыс атқарылғаны көрініп-ақ тұр. Мешіттің іші-сыртын гүлдендіріп, қарағанға көз тоятындай тиянақты етіп қойған Қоныскерей имамға тек Алла разы болсын, ісіне береке берсін деп тілейміз. 28. 03. 2014 жылы Бұқар жырау ауданының бас имамы Аманбол қажы Рымқұлұлы жұма күні Шахтинск қаласында жұма намаз өткізіп, жұма уағызында тақырып бойынша үш айдың қасиеті туралы әсерлі уағыз айтты. Осы күні қалалық Мәдениет үйіне жиналған ұстаздар қауымымен кездесу өткізіп, өзекті болған тақырыптардың бірі экстремизм турасында ақпарат беріп, ағым топтардан қалай сақтану жолдарын ашып айтып, оларға тосқауыл болу жолдарын да тілге тиек етті. Мешіттің таза да әдемі, көрікті болуы басқарып отырған имамнан, олай болса басқаларға да үлгі боларлықтай имамдар Қоныскерейдей болсын деп – Аманбол қажының риза болып келгенін сөзінен көрмесек те іштей сезіп біз де қуанудамыз.