Дін қызметкерлерінің уағыз насихат аясын кеңейтудегі іс-шаралары жүйелі жалғасып, өзге аймақтағы мешіттердегі жамағаттармен жүздесулері өз нәтижесін беруде. Бұл өз кезегінде мұсылман қауымының береке мен бірлігін арттыратын ақиқат. Осы орайда №1-қалалық мешітінің бас имамы Орманбет қажы Болатұлы Теміртау қаласының орталық мешітіндегі жұма намазына қатысып, қасиетті үш айдың (ережеп, шағбан, рамазан) қадір-қасиеті турасында насихат айтты. Жамағатқа өзара ынтымақ пен бірлікте болудың маңызын жеткізді. Тәуелсіз еліміздің рухани тұтастығын баянды ету жолында ортақ ұстаныммен, бөлінушілікке жол бермей бір атаның баласындай бірлігімізге бекем болуға үндеді. Қасиетті күнгі құлшылық соңында «Ел халқымызға ережеп, шағбан айларының берекесін беріп, қасиетті рамазан айын аман-есен жеткізуді» Жаратқан иемізден дұға етіп бата жасады.

Қарағанды қалалық №1-мешітінің баспасөз қызметі