Айтып келмейтін апаттың Қарағанды өңірінде орын алуы арқа еліндегі ағайынға ауыр келгені ақиқат. Көп болып жұмылып Көкпекті ауылындағы асар жұмысына Қарағанды қалалық №1-мешітінің ұжымы да бір жағадан бас, бір жеңнен қол шығарып көмек көрсетіп қайтты. Бас имам Орманбет қажы бастаған дін қызметкерлері жергілікті тұрғындардың екі отбасына қол көмектерін жасап, қораларын қоқыстардан тазартты. Халқымыз «тілсіз жау» деп атаған қызыл судан зардап шеккен отбасы мүшелерін сабырлыққа шақырып, рухани тұрғыда қажымауға шақырған бас имам алдағы күндерде материалдық көмек көрсетуге ниетті екендігін жеткізді.