Суицид (лат.тілінен sui – өзін + caedere – өлтіру) — өз-өзіне қол жұмсауға икемді адамның әрекеті. Бұл адамның өзінің «ішкі болмысына» жасалған қатыгездігі, яғни жауыздығы. Суицид дертіне әдетте рухани әлсіз, психикалық тұрғыдан тұрақсыз адамдар шалдығады. Сондай – ақ, өз – өзіне қол жұмсауға күнделікті күйзеліс түрткі болуы да мүмкін. Жалпы жасөспірімдер арасында суицид бойынша біздің ел әлемде екінші орынға шыққан. Бірыңғай тестілеудің нашар нәтижесі жасөспірімдердің өздерін тығырыққа тірегендей сезініп, оқыс қадамға баруға итермелейтін көп факторлардың біріне айналған. Қандай жағдай болсын, өздерін сенімді ұстау үшін, төмен балл жинағанның өзінде өмірдің жалғасатынын, қоғамға керек екенін сезіну керек. Соңғы кездері жастар арасында махаббат деп, кейбіреулері ақша жағынан қиналып, ал біреулері психологиялық тұрғыдан зәбір көріп өз-өздеріне қол жұмсап жатыр, олар өз кезегінде осы проблемалардың шешімін таба алмай өздеріне қол жұмсап тез құтылып кеткілері келеді, ата-анасы таң ертеңнен кешке дейін жұмыста, бала-шағаға қарауға уақыттары жоқ болады, осындай жағдайлардың алдын алу мақсатында ағымдағы жылдың сәуір айының 1-ші жұлдызында Балқаш қалалық ГОВД қызметкерлерімен кездесу болып өтті. Кездесуге Балқаш қаласының наиб имамы Түсіпбеков Асылхан қажы қатысты. Дін өкілі: Алла Тағала қасиетті Құран Кәрімде: «Өздеріңді өздерің өлімге қимаңдар», – яғни өздеріңе қол салмаңдар дейді,- Дінімізде мұсылман болудың негізгі шарттарының бірі – жақсылықтың, жамандықтың да Алладан екеніне сену екендігін айтып, ата-аналарға бала тәрбиесі, отбасындағы күнделікті балаға көңіл бөлу, бақыт деген не ? – деген сұрақтардың шешімін ислам дініне байланыстырып уағыз – насихат айтты.