ҚМДБ-ның төрағасы Бас мүфти Ержан қажы Малғажыұлының бастамасымен «Дін мен дәстүр» кітабы жарық көрген болатын. Осы кітапта қазақ халқының дәстүрі мен әдет-ғұрпы, имани қарым-қатынасы, дәстүрдегі діннің қандай орны бар екендігі, сонымен қатар дін мен дәстүрдің сабақтастығы, халқымыздың салты, санасын тарихи дәстүрлерін сақтап, жаңғырту айқын ашық көрсетілген. Халқымыздың ұлттық дәстүрін, бабаларымыздың қалдырып кеткен асыл мұраларын келешек ұрпаққа қастерлей отырып, тәрбиелеп келешек ұрпақтың санасына жеткізу деп білетін Балқаш қаласының кітап сүйер оқырмандары, тұрғындарының сұранысына ие болды және осы кітап арқылы мол білімге ие болары сөзсіз. Балқаш қалалық мешітінің бас имамы Аманжолов Марат қажы қалалық кітапхана басшысы Ногаева Ғания Жанасқызымен кездесіп, өскелең жастарымызға бұл кітаптың берері мол екендігін айтып, «Дін мен дәстүр» атты еңбегін барлық қала кітапханаларының сөрелеріне қоюға ұсыныс білдірді. Қалалық кітапхана басшысы мақұл алып, мұндай бағалы еңбектің кітапханамыздан орын алғаны біздің оқырмандарымызға үлкен қуаныш екендігін айтып, өз ықыласын білдірді. Бас имам Марат қажы Құрбанбекұлы қалалық кітапханаға Бас мүфтиіміздің еңбегі «Дін мен дәстүр» кітабы, ҚМДБ-ның Сараптау комиссиясы мақұлдаған, Көкжиек баспасынан шыққан Хадис – ғұрпымыз, Сүннет – салтымыз және Түркістан кітап үйінен шыққан Хазреті Мұхаммед Пайғамбарымыздың (с.ғ.с) өмірі жайлы кітаптар табыс етіліп, аталмыш кітаптар Имандылық бұрышы сөрелерінен орын алды. Сонымен қатар Балқаш қалалық тарихи өлкетану мұражайының басшысы Сейлханова Азиза Тәркешқызымен де өткен кездесуінде Бас имам жоғарыда тілге тиек болған кітаптарды табыс етті.