3-ші сәуір күні Шет ауданы, күннің жылуымен өз жерлерін, аулаларын абаттандыруға және көгалдандыруға кірісіп кетті. Осы бейсенбіде аудандық «Жанқұтты би» мешітінің қызметкерлері мен жамағаты сауапты істен құр қалмады. Ардақты Елші Мұхаммедтің (с.ғ.с.) «тазалық иманның жартысы» деген хадисін ұран етіп жамағат тазалық жұмыстарына белсене кірісті. Ағаштардың түптері оталып мешіт ауласы толық тазаланып, сырлау, әктеу жұмыстары жүргізілді. Осындай тазалық жұмыстары бір күнмен шектелмей, күнделікті қадағалауда, ауылдық мешіттерде де осындай игі шаралар қолға алынуда.