Оттан судан сақтасын деп ата- бабаларымыз жатса тұрса тәңірден, тілсіз жаудан сақта деп бекер тілемесе керек. Айтпай келетін тілсіз жау елді елең еткізген біздің ауданға қарасты Көкпекті ауылының халқына сынақ болды. Алланың құдіретімен болатын әрбір құбылыс адамға сынақ екені ақиқат. Пайғамбарлар дәуірінде де бұданда қатты сынақтар құлының Аллаға деген ниетін сынағаны тарихтан бар. Дегенмен болған іске болаттай берік бол деп сабырға шақыру мұсылман үшін қайырлы. Әрбір ауыртпалықтың артында жеңілдік бар, Алла есесін берсін. Өз көзімізбен көріп қол үшін беруге аудандық «Жыржыс қажы» мешітінің ұжымымен бала шағамызбен бардық. Жабырқаулы жандардың жанынан табылу мұсылмандық міндетіміз ғой. Облыстық Өкіл имам Өмірзақ қажы Қазкенұлы бастап қала аудан имамдары да осы ауылда, басы қасында болды. Бізге көмек көрсету үшін бөлінген үй Молодежный көшесіндегі 7 үй болатын. Қора мен үйге кірген суды шелекпен сыртқа тасып шығарып жүргенде тәубамызға келіп тілсіз жаудан оттан, судан сақтасын деген осы ғой деген ой жанымыздан шықпады. Досың тұрмақ жауыңа тілемейтін көріністі көзбен көріп, жалған дүние түкке тұрғысыз екенін үй йесінен байқағандай малдары қырылып, дүниесі істен шықса да жанымыз аман, соған шүкір деген сөзінен аңғарғанымыз нәпсіге еріп дүниесіне сенетіндерге сабақ болар деген ой қалдырды. [gallery columns="5" ids="5504,5505,5506,5507,5508"]