Бұқар жырау ауданы «Жыржыс қажы» мешіті жанында күндердің төресі дұғаның қабыл болар күні жұманы қастерлеп аудан тұрғындары Сүлейменов Д, Елубаев Ж, Сатаев А, Абылай Қайратқалиұлы деген азаматтар елдің тыныштығын тілеп назір құрбан шалды. Құрбанның үш түріне жататын назір құрбан атам заманнан мұқтаждықта, мүсибат шеккенде, ел басына күн туғанда жамандықтан сақтасын деген ниетпен садақа етіп шалатын және де бас амандығына да арнап құдайға шүкіршілік ниетімен де шалатын құрбан. Аллаға арналып дұға тілеп келешекке ауданның тұрғындарына тыныштық болсын деген мақсатта шалынған құрбан қабыл болсын, Алла елімізді табиғи апаттардан сақтасын!