Ата-бабаларымыз дін болмай, дым болмайды деген. Адалдық, білім және өркениетті насихаттайтын төл дініміз ислам қағидаларын келешек ұрпаққа дұрыс жолмен үйрету әрбір ата ананың міндеті. Ел келешегін иманды ұрпақ өркендетеді. 4-ші сәуір жұма күні Саран қаласының бас имамы Мұқаметқали қажы Ғабиден Мұстафин атындағы елді мекен мешітінде уағыз айтып жұма намазын өткізді. Уағыз мәтіні бүгінгі өзекті мәселе дін атын жамылған керітартпа ағымдарды айыра біліп, мұсылмандар арасында оған тосқауыл қою жолдары түсіндірілді. Бірлік бар жерде тірлік бар деген бабаларымыз. Ислам діні оның ішінде Әбу Ханифа мазһабы ғасырлар бойы ұстанған бабалар жолы екенін келешек ұрпаққа насихаттау жолдарын үйретіліп, намаз соңында құран оқылып ақсақалдар келешек ұрпаққа бата берді.