Шахтинск қаласы Шахан кентінде орналасқан қарттар және мүгедектер үйінде сәуір айының 4-і күні кездесу өтті. Бұл кездесуге келіп, сөз алған Шахан кентінің әкімі Жакупов Мұрат Асанұлы оларға ұзақ өмір тілеп, ізгі лебізін білдірді. Содан соң, Шахтинск қаласы «Нұр» мешітінің бас имамы Хумар Коныскерей оларға  «үлкенге құрмет, кішіге ізет» - Алланың әмірі деп ғибратты әңгімелер айтты. Даналарымыз, « Аурудың көңілін сұрап дұға кыл, мұнда үлкен шипалық бар, ұға біл» дегендей бас имам төсек тартып жатқан науқастардың әр қайсысының бөлмелеріне кіріп жылы сөздер айтып оларға шипа тіледі. Алла Тағала ұрпақтарымызды өздерімізге адал етіп, пендеге пенде қылма деген атам қазақтың тілеуі сөзі ойға оралды.

А.Тұржанов