Қасиетті Құран Кәрімде Алла Тағаланың адамдарды әртүрлі қылып жаратқандығы туралы айтылады («Әй адам баласы! Шүбәсыз сендерді бір ер, бір әйелден (Адам, Хауадан) жараттық. Сондай-ақ бір-біріңді тануларың үшін сендерді ұлттар, рулар қылдық). (49-сүре «Хужурат», 13 аят). Сондықтан, аяғына нық тұра бастаған және қоғамдық, соның ішінде діни санасы қалыптасып келе жатқан жас мемлекетімізде діни алауыздыққа, бөлінуге жол берілмеуі қажет. Сәуір айының төртінші жұлдызы жұма күні «Бала қажы» мешітінің бас имамы Доскей ауылында жұма намазын өткізіп, ҚМДБ-ның бұйрығы бойынша бекітілген «Исламдағы ағымдар және олардың кесірі» тақырыбында уағыз–насихат жұмыстарын жүргізіп қайтты.