Балқаш қаласында 100-ге келген кейуана Қазыбек би көшесі 2 үй 6 пәтерде руы қожа Аймағанбетқызы Сара әжеміз өмір сүріп жатыр. Қазіргі күнде 2қыз, 3 ұлдан 4 немере, 4 шөбересі бар. Жастайынан ата-анадан жетім қалған Сара әже өмірдің түрлі қиын-қыстау кезеңдеріне төзіп, балаларын өсіріп, тәрбиелеп жетілдірген. Аузынан Алланы тастамай, сөйлеген сөзі нық, есте сақтау қабілеті жақсы, денсаулығына шағымы жоқ, таза киінгенді жаны сүйеді, радиодан жаңалықтарды қалдырмай тыңдап отырады және өзінің тегі жайлы, әйгілі Қараменде бимен атасы Өтеген қожа құрдас болғаны, бірге жүрген достар екені туралы мәліметтерді айтып өтті. Кейуанамен сұхбатта болған Балқаш қаласының мешітінің бас имамы Аманжолов Марат қажының өзін көруге келгеніне қуанып, ақ тілегін айтып, батасын алып қайтты. Әжемізге денсаулық, ұрпағының қызығын көруге Алла нәсіп етсін деп тілейміз.