Аллаға шүкір, бүгінде дін насихатының аясы кеңейіп, жан-жақты тағылымды басқосулар күн санап артып келеді. Кеше «№1 Қарағанды қаласы дарынды балаларға арналған облыстық қазақ-түрік лицей-интернаты» оқушыларымен кеш өтті. Оған Қарағанды облыстық дін істері басқармасынан мамандар, дәстүрлі дін өкілдері, ардагерлер қатысты. №1-мешітінің наиб имамы Бақдәулет Қыдырбайұлы жастарға имандылық негіздері, ата-ананы құрметтеу мен білімді болудың артықшылықтары жайында насихат айтты. Ислам атын жамылған ағым-топтардың негізгі мақсаттарын айқындап, жат ағымдардың жетегіне еріп кетпеуді түсіндірді. Қонақтар да отанды сүю, еліміздің келешегін баянды ету жолдары жайлы ұлағатты тәлім берді. «Ақырын жүріп, анық басуға» арналған кеш соңында шәкірттер көптеген адамгершілік қағидаттарға қаныққанын білдіріп, қошеметпен шығарып салды. Нәзік мәселелерді кеңінен атқаруға әр саладан қатыстырылып, өз деңгейінде орындалуына жол ашып отырған мемлекетіміздің қамқорлығының арқасында ұрпақ болашағы бұлыңғыр болмай, саналы болып қалыптасуына осындай кештердің берері де мол болмақ.