ҚМДБ Қарағанды облыстық орталық мешітінің ұйымдастыруымен "Азан -Исламның рәмізі" атты көптен ниет етілген байқау өтті. Азан мағынасы жағынан намазға және Исламға шақыру. Азаншы бізге күніне бес мезгіл намаз уақытының кіргенін хабарлап, ғибадатымызды өз уақытында орындауға үндейді. Азан шақырған мешіт алдынан өтіп жатқан адам оны жай мешіт тәртібі деп емес, өзіне сол парызды орындауды еске түсірген Раббымыздың шақыртуы екенін ұғып намазға тұрып, құлшылығын құлшынып сол мезетте орындауы керек. Осылай Алла Тағаланың ең сүйікті құлы атанып, оған жақын болу мәртебесіне ие болу нағыз бақыт. «Азан» сөзі араб тілінен тікелей аударғанда – «хабар беру», «білдіру» дегенді білдіреді. Жалпы Ислам тарихында алғашқы азанды Медине қаласында хазірет Біләл айтқан еді. Ұйымдастырылған азан байқауының бір ерекшелігі, қатысушылар әуелетіп азан айтып қана қоймай, сонымен қатар азанның шығу тарихына да үңілгендігінде болды. Азан жарысы өте керемет өтті. Халық дән ризалығын білдіріп жатты. Облысымыздан осындай керемет дауыспен Азан үнін асқақтата білген азаматтарымыз барлығына қуаныштымыз дегендей ақ тілектерін беріп жатты.Сайыс соңында ҚМДБ Қарағанды өңірі бойынша өкіл имам Өмірзақ қажы Қазкенұлы дұға жасап шәкірттердің білімдерінің артуын, халқымызға, дін жолында аянбай еңбек етулеріне ақ батасын берді. Азан айту мен дұғасына жыдды мән беріп, дауысының әдемілігіне ғана қарап қоймай, әрбір махраждары мен қатесіз оқылуына да ден салды. Азан айтудан сайысқа қатысушылардың нәтижесі Бесін намазынан кейін анықталды. Шәкірттердің арасынан ажыратып үздігін таңдап алу қиынға соқты. Дегенмен сараптауға жиналған сарапшылардың міндеті болғандықтан ақылдаса отырып ұтымды шешімдерін бере білді. Бас жүлде: Ержанов Біржан; 1орын: Төлеев Сейітқожа; 2 орын: Жұмажан Нұрбек: 3орын: Амангельдиев Дос.

[gallery columns="4" link="file" ids="5679,5678,5677,5676,5675,5674,5673,5672,5671,5670,5669,5668,5667,5666,5665,5664,5663,5662,5661,5660,5659,5658,5657"]

Тотия Енсебаева Қарағанды облыстық орталық мешітінің баспасөз қызметі

---