Қазақтың қонақжайлығы қашанда жайылған ақ дастраханымен көрінеді. Бауырлар бір дастархан басында жиналып, өнегелі сөз айтылса ғанибет емес пе? Қарағанды облыстық орталық мешітінде жамағат бір дастархан басында бастарын қосып, салиқалы сөз айтып, оқыған-тоқығандарымен бөлісіп жүр. Бір ай бұрын басталған игі шараға күнде Ақшам намазынан соң 50-100 шақты адам жиналады. Мешіт имамдары мен ұстаздары уағыз-насихат жүргізеді. Күнделікті күйбің тіршілікте орын алатын жағдайларға Исламның көзқарасы қандай, ақиқат діннің тарихы,ата-анаға құрмет бірлік, бауырмалдық т.б. тақырыптар қамтылып, жиналған жамағат дән риза болып тарқасып жүр. Игі амал әлі де жалғасын табады. Қашанда дәм-тұзымыз жараса берсін.