14-ші сәуір күні КарМУ студенттерінің №3 жатақханасында «Ислам діні ақиқат дін» тақырыбындағы ислам дінінің тәрбиедегі орны, тазалығы, ағымдардан айырмашылығы жас буынға жеткізу мақсатында кездесу болып өтті. Жиынға діни істер басқармасы, «Бала қажы» мешітінің бас имамы Нуров Махмуд қажы Нұрұлы тағы да басқа білікті өкілдер қатысты. Ата – бабаларымыз «ырыс алды-ынтымақ», «Бақ қайда барасың деп сұрағанда, Бақ ынтымаққа, бірлікке, сабырлыққа барамын» деген. Жаратушымыз бір, кітабымыз бір, Пайғамбарымыз бір, Отан біреу, жер біреу, тіл біреу. Біз де соларға ермейік, егемен ел болып, еңсесін көтерген халқымызды жерге қаратпайық. Бір жеңнен қол, бір жағадан бас шығарып, елдің ертеңін ойлайық.