Қарағанды облыстық орталық мешітінде «Тазалық-иманнан» акциясы аясында алғашқы сенбілік болып өтті. Мешіт айналасы мен шатырын тазалауға мешіт қызметкерлері қатысты. Жұмыла көтерген жүк жеңіл демекші, әп-сәтте мешіт ауласы кір-қоқыстан тазартып, шырайланып шыға келді. Бұл шара жиі өткені дұрыс-ақ. Себебі, ислам дінінің тек тазалықты сүюге үндейтіні баршаға мәлім. Осындай шараларға тек мешіт қызмектерлері ғана қатыспай, барша жамағатты жұмылдырсақ, нұр үстіне нұр болар еді. Деміңді басып, мешіт ауласында саябақта отырсың делік, айналаң қоқыс болса, кімге де болса, ұнамайтыны сөзсіз. Ал сол тазалық әрқайсымыздан басталатынын естен шығармайық. Қоқысты жинап тазартсақ, қор болмаспыз.

Тотия Енсебаева