Бүгінгі таңда ақпарат таратуда мүмкіншілігі бойынша алдыңғы қатарда интернет желілері тұр. Ұлттық қауіпсіздік комитетінің ресми мәліметтерінде қызметіне көптеген елдерде тыйым салынған діни-экстремистік ұйымдардың әлеуметтік желілер мен түрлі сайттарды пайдаланып, негізінен 18-25 жас аралығындағы жастарды арбап, өз қатарларына тарту фактілері кездеседі. Ал әлеуметтік сайттарда жеке адамдар туралы небір биографиялық мәліметтер болатындықтан, кейбір елдердің арнайы қызметтері, қылмыстық топтар сайттағы мәліметтерді өз мүдделеріне пайдалану фактілері кездесіп жатады.  Осындай келеңсіз жағдайлардың алдын алу мақсатында ағымдағы жылдың 18-ші сәуір күні Балқаш қаласы №2 Абай атындағы орта мектепте «Интернет ресурстарының жасөспірімдердің көзқарасына ықпалы. Экстремистік сайттар» тақырыбында кездесу болды. Кездесуге Балқаш қалалық мешіттің найб имамы Тусупбеков Асылхан қажы, «Ауған соғысы ардагерлерінің ардагерлері мен мүгедектерінің жауынгерлік қауымдастығы» қоғамдық ұйымының төрағасы Мухамедиев Бауржан Мейрханұлы, «Балқаш қаласыішкі саясат бөлімі» мемлекеттік мекемесінің бас маманының міндетін атқарушы Алыбаева Айым Слямғалиқызы және мектеп оқушылары қатысты. Найб имам Асылхан қажы оқушыларға өз сөзінде: «Интернеттерде уағыздар айтылып, жастар соны тыңдап теріс жолдарға түседі. Интернет желілеріне ешқандай тосқауыл қойылып жатқан жоқтығын, осы мәселенің шешімі табылмай экстремистік терроризм тыйлмайтындығын»-айтып, жасөспірімдер, ата-аналар арасында жүйелі түрде компьютерлік ойындармен, әлеуметтік желілермен әуестенудің зияндығы туралы түсіндіру жұмыстарын ұйымдастыру, жасөспірімдер арасында ақпараттық мәдениет тақырыбына зерттеулер, арнайы сабақтар мен курстар өткізу қажет деп қорытындылап, дінге жат теріс ағымдар жайлы уағыз-насихат жүргізді.