Ислам дінінің ең басты қағидасы тазалық. Мұсылман баласы жеке бастың ғана емес қоғамдық тазалыққа да жауапкершілікпен қарайды. ҚМДБ-ның Қарағанды өңірінің өкіл имамы Өмірзақ қажы Қазкенұлының сәуір айын тазалық айы деген ұсынысын бір ауыздан қолдап, Саран мешіт жамағаты 19 сәуір сенбі күні мешіт төңірегін қоқыстан тазалап, мешіт төңірегіне жас талдар отырғызды. Намазхан апайлар мешіт бөлмелерін әктеп, дәрет алатын орындарды бояды. Әкімшілік тарапынан бөлінген арнайы техника меңгерген мұсылман бауырлар, қоқыстарды қала сыртына шығарды. Бірлік бар жерде тірлік бар деген бабамыз. Осы ұлы сөзді ұран еткен мешіт ұжымы басқа жұртқа тазалықтың исламда ерекше орында екенін еңбекпен көрсете білді.