Сәуір айының 19-шы жұлдызында Шахан кентінің мешітінде Пайғамбарымыз Мұхаммед (с.ғ.с) мәуліт мерекесін атап өтті. Атам қазақ жақсылықтың ерте кеші жоқ демей ме. Шахтинск қаласының бас имамы Хумар Қоныскерей құран оқып, Пайғамбарымыздың өмірінен уағыз айтты, ал мешіттің наиб имамы Байкешев Нұрғали мәуліт оқыды. 80 жастан асқан кент ақсақалы жиналған жамағатқа «Бірлік пен ынтымақтан айырмасын Аллам» дей келе, өзекжарды батасын берді.