Center Image
IHSAN.KZ
«Таза табиғат – халық байлығы»

Пайғамбарымыздың хадисінде: «Тазалық — иманның жартысы» — делінген. Дана халқымыз: «Таза табиғат – халық байлығы» деп жатады. Пайғамбарымыздың: «Адамдардың ең жақсысы басқаларға пайдасы тигені» дегенін де жадымыздан шығармаған дұрыс. Өкінішке қарай, бізде керісінше болып жатады. Мәселен, қоғамдық орындарда немесе табиғат аясына сейілдеуге шыққанда, қоқыстарды шашып, ағаштарды сындырып, босаған бөтелкелерді, қораптарды лақтыра салып, табиғатқа кері әсерін тигізіп жататындар да кездеседі. Міне, мұсылман баласы осындай істерден аулақ болып, әр нәрсенің өз реті, өз сұрауы болатынын естен шығармағаны абзал. Осындай мақсатта, ҚМДБ-ның Қарағанды өңірі бойынша өкіл имамы Бекқожа Өмірзақ Қазкенұлының тікелей тапсырмасымен, Балқаш қалалық орталық мешітінде ағымдағы жылдың сәуір айының 19-шы жұлдызында мешіт айналасы толық тазартылды. Мешіттің бас имамы, найб имамдары, мешіт қызметкерлері, мешіт жамағаты, жоғары оқу орындарының студенттері және №7 мектеп оқушыларының қатысуымен болған шарада арықтар қоқыстан тазаланып, мешіттің сыртқы ауласына көшеттер отырғызылды. Жиналған қоқыстарды мешіт жамағаттары жүк көлігіне салып, қаланың сыртына апарып тастады. Келешек ұрпаққа мал емес, көрікті жер, тал қалдырып көркейту өз қолымызда. Тазалықты әрқайсымыз өз жеке басымыздан бастап, айналамыздың да, барша жүрген жерлеріміздің де таза болуына көңіл бөліп, табиғат ананы қорғай білейік.

[gallery link="file" columns="2" ids="5932,5933"]

Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz