Ислам діні тазалыққа үндейді. Алла Тағала Құран Кәрімде: «Ақиқатында Алла Тағала Тәубе қылушыларды және таза болушыларды жақсы көреді» (Бақара, 222)- деген. Пайғамбарымыздың хадисінде: «Тазалық иманның жартысы» деген. ҚМДБ-ның қарағанды өңірінің өкіл имамы Өмірзақ қажы Қазкенұлының сәуір айын тазалық айы деген ұсынысын бір ауыздан қолдап, Құнанбай қажы мешітінің жамағаты 19 сәуір сенбі күні мешіт төңірегін қоқыстан тазалап, жол ернеулері сырланды. Сәуір айының аяғына дейін мешіт айналасын көгалдандыру жұмысы жоспарлануда.