Жаратушы иеміздің жүйемен жасап берген жыл мезгілдерінің бірі көктемгі күндердің өзіндік ерекшеліктері мол. Қысқы маусымнан қысылып шыққан тіршілік атаулы ерекше күйге еніп жаңара бастайды. Діни көзқараста осы көрініс «адамзат баласының қайта тірілу» уақытын еске түсіреді. Бұл рухани тұрғыда қаралатын көзқарас. Бұл дүниеге алданып, о дүниені ұмытпай, о дүниеге беріліп, бұл дүниені тәрк етпеуге үндейтін асыл дініміз тазалық пен тектілікті бетке ұстауды міндеттеген. №1-қалалық мешітінің бас имамы Орманбет қажы ұжымды сенбілікке жұмылдырып, аула ішіне тазалық жұмыстарын жүргізді. Орындықтар сырланып, есік-терезелер сүртілді. Алдағы күн райының жылынуына қарай аумақты абаттандыру жұмыстарын жоспарлап қойды.