Сәуірдің 19-ншы жұлдызында Теміртау қаласының орталық мешітінде мешіт ұжымының ұйымдастыруымен мешіт жамағаттарымен кезекті уағыз-насихат өтті. Құптан намазынан кейін болған уағызға 150 адам қатысты. Осы жолғы уағыз тобымен ҚМДБ-ның Қарағанды бойынша өкілі, облыстық орталық мешітінің бас имамы Өмірзақ Бекқожа, орталық мешіттің ұстазы Тағаев Нұрбол, белгілі теолог Рустем келді. Жиналған жамағатқа фихһ, ақида, Ислам тарихы, салт-дәстүр мәселесі жөнінде айта келе, жамағаттың сұрақтарына жауап берді. Уағыз екі жарым сағатқа созылды. Өкіл имам ынтымақпен істеген шаруаның оң нәтижесі болатындығын айта келе, бұл шараның облыстың басқа да өңірлерінде осылай болатындығын жеткізді. Осындай берекелі іс-шараны өткізіп отырған Теміртау қаласының бас имамы Ерболға рахметін айтты.