Бүгін 24-ші сәуір күні Балқаш қалалық мешітінде қайырымдылық дастарханы жайылды. Демеушілердің көмегімен ас беріп, он бес аз қамтылған, тұрмысы төмен отбасына және мүгедек балаларға арналып жайылған дастархан басында қалалық мешіттің бас имамы Аманжолов Марат қажы жалпы Ислам діні туралы мағлұмат беріп, уағыз-насихат айтты. Бұл шарада ата-анаға деген құрмет, жастарымыздың қоғамға адал, жат ағымнан аулақ болуын бас имам Марат қажы Құрбанбекұлы ескертіп, Құран оқып, бата берді.  Дастархан осылай әсерлі өтіп жұртшылық шексіз алғысын жеткізді. Мешітімізге аяқ басып келген мұсылман бауырларымызға біз ұстанатын Ислам дінінен хабар беретін діни кітаптар және уағыз жазылған дисктер таратылды.