25-ші сәуір күні Ақпараттық насихат тобының мүшесі, Бұқар жырау ауданының бас имамы Мукаев Аманбол қажы Рымқұлұлы Балқаш қаласына қарасты Қоңырат ықшам ауданында болып, сол жердегі №25 мектептің 7-11 сынып оқушыларымен кездесті. Кездесуге ақпараттық насихат тобының мүшесі Мукаев Аманбол қажы Рымқұлұлы, Балқаш қалалық мешітінің бас имамы Аманжолов Марат қажы, Қоңырат мешітінің бас имамы Досмахов Ғабидолла және мектеп ұстаздары қатысты. Мектеп бітірушілеріне, жаңа өмір жолында жат ағымның жолына түсіп кетпеуге шақырып, экстремизм және терроризм айында уағыз айтып, олардың кері әсері жайында түсіндіріп, оқушылардың қойған сұрақтарына жауап берді. [gallery link="file" columns="2" ids="6047,6048"] АНТ мүшесі сонымен қатар Қоңырат мешітінде болып, мешіттің жамағатымен жүздесіп, қасиетті жұмада: «Емшіге бару, бал аштыру – ай жарықта адасу» тақырыбында уағызын айтып, жұма намазын өткізді. [gallery link="file" columns="4" ids="6049,6050,6051,6052"]

---