ҚМДБ-ның шығарған жарғысына байланысты жыл сайын сәуір айының соңғы сенбісінде мұсылман бейіттерінің маңайына тазалақ жұмыстары жүргізіледі. Мұсылман баласының сауапты ісі әу бастан тазалық екендігі белгілі. Алтай қыс қар астында жатқан қоқыс, көктем шыға маңайға шашылып көрікті жерлердің көркін кетіріп тұр. Осындай тазалық жұмыстарын жүргізуге ағымдағы жылдың 26-ші сәуір күні Балқаш орталық мешітінің бас имамы Аманжолов Марат қажының ұйымдастыруымен «Тектұрмас» және «Жұмағұл»-дағы мұсылман қорымдарының маңайын тазаланды. Қоқыстарды апаратын автобустар, қоқыс тиейтін және оны сыртқа шығаратын арнайы техникалар алынды. Жақсы бастаманы оқып естіген біраз жамағат сенбі күні ертемен мешіттің жанына жиналды. О дүниелік болған ата-баба, әке-шеше, ағайын-туыс, жора-жолдастарының жерленген қорымдарының маңайын тазалауға өз еріктерімен ынта білдірген мұсылман бауырлар бірқауым. Бастамаға үн қосқан кәсіпорындар мен оқу орындары да жоқ емес. Балқаш қалааралық жолаушы тасмалдау қызметінің басшысы Қысанов Нұрлан Ұланұлы өз қарамағынан екі автобус жіберіп, «Қазақмыс смелтинг»корпорациясының «БМЗ» зауытынан Екі КамАЗ автомашинасы, екі қоқыс тиегіш техника мен жұмыскерлер, студенттер, мешіт жамағаттарымен бірге автобустарға отырып, қала маңындағы мұсылмандар қорымына қарай жол тартты. Жұмағұлдағы зираттардың маңайын, Тектұрмастағы бейіттердің айналасын тазалау жұмыстарына наиб-имам Асылхан қажы Түсіпбеков жетекшілік жасады. Орталық мешіттің тамаша бастамасына қала әкімдігі де қолдау көрсетіп, қажетті техникалармен қамтамасыз етті. тазалау жұмыстарына тигізген пайдасы өлшеусіз. Адам мен техника күшінің бірігіп атқарған жұмысының нәтижесінде қорымдардың маңайы біраз уақыттан бері жиналып қалған үйінді қоқыстардан тазарып, тап-таза кейіпке енді. Алла разылығы үшін ұйымдастырылған сауапты іс алдағы уақытта да жалғасын таба бермек.