Насихат жұмыстарына серпін беріп, жүйелі уағыз айтуды өз міндеттеріне алған №1-мешіттің діни қызметкерлері өз кезегінде жер-жерде іс-шаралар атқарып келеді. Соның қатарында наиб имам Мұсағали Аясұлы Шахтинск қаласындағы «Нұр» мешітінде болды. Бекітілген тақырып «Емшіге бару, бал аштыру – ай жарықта адасу» турасында уағыз айтып, шынайы емшілер мен жалған сәуегейлердің ара-жігін ажыратып, жамағаттың адаспай жүруіне үндеді. Жұма намазын өткізіп, соңынан жамағатпен еркін сұхбат жүргізді.