Өкіл имам Өмірзақ қажының жылдық жоспарында бекітілген кестедегі тәртіп бойынша №1-мешіттің наиб имамы Бақдәулет Қыдырбайұлы Осакаровка ауданы, Молодежный кентіндегі Ақбұлақ ауылдық мешітінде жұмаға жиылған жамағатпен жүздесті. «Емшіге бару, бал аштыру – ай жарықта адасу» тақырыбында уағыз айтып, жұма намазын өткізді. Алақандай ауылдың берекесі мен бірлігін тілеп, құлшылықтарын құлшынып атқарып жүрген жамағатпен сұхбаттасты. Осы мешіттің бас имамымен бірге ауыл әкіміне арнайы барып сәлемдесіп, діни ахуалдың барысы жайында пікір алмасты. Ұшырасу барысында әкімшілік тарапынан мешіттің сыртқы жөндеу жұмыстарына материалдық жәрдем беру мәселесі көтеріліп, оған көмек көрсетілетін болды.