Ислам өз ізбасарларын ұлтқа, нәсілге, тіліне қарап бөліп алалап, жіктемейді. Қайта бірлікке, ынтымаққа шақырады. Олай болса, біз – Қазақстан халқы, мұсылман болсын, мұсылман емесі болсын, достық, өзара түсіністік жағдайда сыйластықпен өмір сүруіміз керек. Баршаға белгілі Ислам діні бір Аллаға сенуге және ынтымақ пен бірлікке шақырады. Құран Кәрімде: «Алла тартқан желіден (діннен) бекем ұстап айырылмандар»,-деген (Әли Имран сүресі, 103-аят). Дана халқымыз «Көптің қолы біріксе - көкке жетеді» деп тегін айтпаған. 1-ші мамыр бірлік күніне қарсы Гиппократ клиникасында «Ел бірлігі» атты көрме өтті. Көрмені Қазақстандық басқа ұлт өкілдері бірлесе отырып өткізіді. Сондай-ақ ауқымды іс-шараға «Бала қажы» мешітінің найб имамы Дариев Берік Әлсейітұлы қатысып, барша халықты «Бірлік күнімен» құттықтап, бірлігімізден айырылмауға шақырды.