Бүгін, яғни 2 мамыр күні «Индустриальная Караганда» газетінің жүлдесі үшін дәстүрлі жеңілатлетикалық эстафета өтті. Эстафетаға ҚМДБ-ның өкілі, Қарағанды облыстық орталық мешіттің Бас имамы Өмірзақ қажы Қазкенұлы, Қарағанды қалалық №1 мешіттің Бас имамы Орманбет қажы Болатұлы, «Бала қажы» мешітінің Бас имамы Махмуд қажы Нұрұлы да қалыс қалмай, атсалысып қатысты. Аталған спорттық іс-шара Қазақстан халықтарының бірлігі күні, Жеңіс күні және қаламыздың 80 жылдық мерейтойына арналды. Облыс әкімі Бауыржан Әбдішев сәлемдеме сөзімен ашып, барлық қатысушыларға сәттілік тіледі. Эстафетаға 190 астам команда, 4 мыңға жуық адам қатысты. Сонымен қатар, атақты боксшы Серік Сәпиев, және өзге де кәсіби спортшылар, этномәдени бірлестік өкілдері, жастар бірлестіктерінің мүшелері, еңбек ұжымдары мен студенттер қатысты. Эстафета - тартысты, әрі қызықты өтті. Эстафетаға ат салысып қатысқан қатысушылар, салауатты өмір салтын насихаттауда зор септігін тигізді.

Қарағанды облыстық орталық мешіттің баспасөз қызметі Ақерке Райымбекова