Бұқар жырау ауданы бойынша бас имам Аманбол қажы Рымқұлұлы Балқаш қаласына насихат жұмыстарымен барып, бір күнде үш кездесуге қатысып уағыз айтты. Кездесулерді ұйымдастырып, арнайы келген қонақты күтіп алып шығарып салуды мұсылманшылық шарты қазақи дәстүрі санаған Балқаш қаласының бас имамы Марат қажы өзі басқарып отырған Балқаш қаласына қарасты Қоңырат елді мекеніндегі орналасқан №25 мектептен бастап 7 мен 11 сынып аралығындағы оқушылармен кездесіп, жат ағым топтардың соңына еріп кетпеу үшін ағым топтардың ара жігін айырып, уағыз айтты. Сондай - ақ көкейдегі жүрген сұрақтарына да жауап берді. Осы күні Қоңырат мешітіне жиналған жамағатқа уағыз айтып, жұма намазын өткізіп мешіт ақсақалынан бата алып, түскі сағат 16:00 –ге ұйымдастырылған кезекті кездесуге жиналған Балқаш қалалық әсери патриоттық «Жас Ұлан» жастар ұйымымен де кездесіп қайтқан имамымыз өз әріптесі Балқаш қаласының бас имамы Марат қажыға деген ыстық ықыласына риза болып ұйымдастыру қабілетіне тәнті болып қайтты.