05- сәуір күні, Бұқар жырау аудандық орталық «Жыржыс қажы» мешітінде ауыл молдаларымен өткен жиында бас имам Аманбол қажы Рымқұлұлы жүктелген тапсырма бүктелмесін, әрбір тапсырмаға мұқият болыңыздар деп қатаң тапсырды. Елбасы Н.А.Назарбаевтың «Мәңгілік ел» идеясын жүзеге асыру үшін алауыздықтан алыстатып, елді бірлікке бастайтын асыл дінімізді насихаттап, экстремизм мен терроризмнің алдын алу. Сондай- ақ, Бас мүфти Ержан қажы Малғажыұлы хазіреттің биылғы жылды «Дін және Дәстүр» жылы деп атағандықтан, жастарымыздың бойына имандылық пен дәстүрімізді сіңіру үшін кездесулер, қайырымдылық іс-шаралар ұйымдастырып, тиянақты болуды тапсырды. Үш имам Тукитаев Ардақ, Уримхан Айболат, Баубеков Аманжан, өз жұмыстарына ұқыптылық танытқан үшін Алғыс хатпен марапатталды. Алқалы жиынға аудан әкімінің орынбасары Ерлан Бейсенбайұлы мен ҰҚК қызметкері Т.Қ. Жұмабаев қатысып өз тәжірибелерімен бөлісіп ауыл молдаларының сұрақтарына да жауап берді. Бас имам Аманбол қажы Рымқұлұлы ауыл молдаларына жылдағы дәстүрмен алдымыздағы сенбі жалпы аудан бойынша зират басына тазалық ұйымдастыру жоспарланды.