Облыстағы ақпараттық насихат тобының мүшесі, Қарағанды қалалық №1-мешітінің наиб имамы Мұсағали Аясұлы ҚМДБ-ның Қарағанды өңірі бойынша өкіл имамы, облыстық орталық мешіттің бас имамы Өмірзақ қажы Қазкенұлының 2014- жылғы бекіткен жоспары бойынша Теміртау орталық мешітінде уағыз насихат жұмыстарын жүргізді. Жұма уағызы 9 мамыр «Жеңіс күні» мейрамымен сәйкес келгендіктен мінберде айтылған уағыз елдің бірлігі мен ынтымағы, бейбітшіліктің маңызы мен татулықтың берекесі, отанды сүю мен оны қадірлеу жайында өрбіді. Өз кезегінде қоғам өмірінде орын алып жатқан елеулі оқиғалар тізбегін мысалға келтіріп, дініміздің негізгі құндылықтарының бірі – бейбітшілік пен келісім, салауаттылық пен сауаттылық жайындағы тақырыптар да қамтылды. Жұма намаздан соң мешіт жамағатарымен дастархан басында сұхбаттасып, дінімізді көркем түрде насихаттау тұрғысында пікір алмасты. Ақсақалдар «Бейбітшілік бесігінде тербеліп, берекеміз баянды болсын» деп ақ тілектерін білдіріп, Аллаға мінәжәт етіп дұға жасады.