Ұлы Отан соғысының ардагерлеріне құрмет көрсету кемеңгер ұрпақтың міндеті болып табылады. Осындай игі істі биылғы жылы Шахтинск қаласы «Нұр» мешітінде көрсете білді. Бас имам Хумар Қоныскерейдің бастамасымен мешіт алқа мүшелері кешегі зұлмат соғыстың куәгерлері Алиев Егінбай және Бексұлтанов Болтан ақсақалдарға сый-сыяпат жасады.Ақсақалдарымыз өткен жылдардан естеліктер айтып,сыр шертісті.Өз ризашылықтарын білдіре келе ,келешек ұрпақ мұндай соғысты енді көрмесін,Отанымыз тыныштық та береке-бірлікте, бай-қуатты өмір сүрсін деп ақ баталарын берісті.