Қазіргі таңда қоғамымызда лаңкестік, терроризм күрделі мәселелердің бірі. Әсіресе жастар теріс ағымдар құрығына ілнуде. Осы мақсатта, ағымдағы жылдың мамыр айының 14-ші жұлдызында Балқаш қаласындағы Ж.С Ақылбаев атындағы жалпы маңызды білім беру колледжінде студенттермен кездесу болып өтті. Шараға Балқаш қалалық мешітінің найб имамы Тусупбеков Асылхан қажы Рахымжанұлы және мұғалімдер мен колледж студенттері қатысты. Дін өкілі: Болашағымыз жарқын болуы үшін, болашақтың жалғасы жастар, халқымыз болып жаппай ат салысып, дүние жүзін дүрліктіріп отырған лаңкестік пен экстремизмге жол бермей, имандылыққа баулитын ислам дінімізге берік болуға шақырып, уағыз-насихат айтты. Жас ұрпаққа діни сауатын ашып, рухани тәрбие берсек, асыл дінімізге күйе жағылмай, келешкте аты жаман істерден болашақтың кілті – жастарымыз аман болып, имандылық пен инабаттылықты бойларына сіңіріп өсулеріне шақырды. Кездесу барысында мұғалімдер мен студент жастардың сұрақтарына жауап берді.