Ислам Діні мұсылманнан қор­шаған ортаны қорғауды, таза ұстауды,  ретке келтіруді талап етеді. Кімде-кім өзін қоршаған сұлулықты  сақтай білсе, нағыз мұсылман  сол адам. Бұл ту­ралы Мұхаммед (с.ғ.с.) хадис­терінде жан-жақты әрі сан мәрте айтылған. «Бала қажы» мешіті ауласында гүлдендіру жұмыстары жүргізілді. Іс-шараға бас имам Нұров Махмұд қажы Нұрұлы сондай-ақ мешіт жамағаттары ат салысты. Гүл отырғызу, бұл айналамызды көркейтіп қана қоймай, Ислам дінімізде үлкен сауапқа кенелтетін игі шаралардың бірі. Себебі, Пайғамбарымыздың (с.ғ.с.) «Қиямет басталып жатса-дағы қолыңдағы бір түп ағашты отырғызып қал» деп өсиет еткені баршамызға аян. Игі істер көбейе берсін ағайын.