Ислам – бейбітшілік деген мағынаны білдіреді. Ислам діні «Бейбітшілік діні» деген сөз. Дінімізде мұсылмандардың сипатын сабырлы, иманды, кішіпейіл, кешірімді, жалған сөйлемейтін, ашық мінезді, жамандықтан тосып, жақсылыққа шақыратын, тағы басқа көптеген сипаттары Құранда да, хадисте де көптеп айтылған. Асыл дінімізде шектен шығу жоқ! «Жәбір көрушінің дұғасы қайтарылмайды» деген Пайғамбарымыз (с.а.с). Олай болса қаншама адамның өліміне себепкер болу, олардың жәбір көрген бірінің бала-шағалары, бірінің әке-шешелері, бірінің туыстары тіпті «оңбағандар» деуінің өзі тозақтың түбіне бағыттайтын қабыл болған дұға болып табылады. Демек, жазықсыз кісі өлтіруге орын жоқ. Ендеше не үшін жарылыстар жиі орын алуда. Не себепті соңғы уақытта лаңкестік, террорлық әрекет деген сөздер қарапайым сөз сынды, құлаққа сіңісіп бара жатыр? Неліктен еліміздің шырқын алатын мұндай әрекеттерді құлағымыз жиі шалуда? Осы тақырып төңірегінде Қарағанды облыстық орталық мешітінің найб имамы Қосмағамбетов Бекболат Қарағанды гуманитарлық колледжінде кездесу өткізіп қайтты. Көкейдегі сұрақтарымен бөлісіп, студенттер дән риза болып тарқасты.

Қарағанды облыстық орталық мешітінің баспасөз қызметі Тотия Енсебаева