Мамыр айы жағымды жаңалыққа, қуанышқа толы ай болды. Бір күннің ішінде қаншама өзгеріс болып жатыр. Мысалға, Амантаев Естай Теміртау қалалық мешітіндегі қызметінен ауысып, Теміртау орталық мешітінің найб имамы болып бекітілді. Сонымен қатар, Осакаров ауданының Бас имамы Ахинов Қанат Анасұлы өз өтінішімен қызметінен босап, Теміртау қалалық мешітінің Бас имамы ретінде тағайындалды. Имамдарды жаңа қызметтерімен Қарағанды облыстық орталық мешітінің найб имамы Қосмағамбетов Бекболат Зулжалладинұлы құттықтап ҚМДБ-ның Қарағанды өңірі бойынша өкіл имамы Өмірзақ қажы Қазкенұлының сәлемін жеткізе отырып, істеріне сәттілік пен береке тілеп қайтты.

Тотия Енсебаева Қарағанды облыстық орталық мешітінің баспасөз қызметі