«Тоқа Байғозы» мешітіне бас имам тағайындалды

26 Мамыр 2014

189

Бас имам Орманбет қажы Болатұлы өкіл имам Өмірзақ қажының тапсырмасы бойынша Осакаровка аудандық «Тоқа Байғозы» мешітінде іссапармен болды. Мұсылман қауымының қасиетті күні болып есептелетін өзіндік ерекшелігі бар жұма күніне жиылған жамағатқа ережеп айындағы «Миғраж» кеші турасында уағыз айтты. Жамағатты жұмылып береке мен бірлікті сақтауға шақырды. Имам мен жамағат арасын жақындастыратын ізгі амалдарды бірлесе атқарудың сауабын жеткізді. Уағыз соңында аталмыш мешітке Бас мүфти Ержан қажы Малғажыұлы хазіреттің бұйрығымен тағайындалған Яхияев Жоламан Әділханұлын жамағатқа таныстырды. Бұдан бұрын да осы мешіттің сауапты қызметтеріне етене араласып жүретін Жоламан имамды жамағат құттықтап, ақсақалдар батасын берді.

[gallery link="file" columns="2" ids="6726,6727"]

Қарағанды қалалық №1-мешітінің баспасөз қызметі