Ислам діні адамзатты ілімге, бауырмалдыққа, мәдениет және өркениетке үйретеді. Бас мүфти Ержан қажы Малғажыұлының мешіт төңірегін көгалдандыру және гүлдендіру ұсынысын қолдай отырып және Қарағанды облысы өкіл имамы Өмірзақ қажы Қазкенұлының тапсырмасын орындау барысында Саран мешіт намазхандары мешіт төңірегіне жас талдар егіп әсемді гүлдер отырғызды. Жақсы іс шараға жетекшілік еткен Саран мешіті бас имамы Мұқаметқали қажы пайдалы өнегелі жұмысқа жәрдем еткен мұсылман бауырларымызға Ислам жолы өркениет жолы, мәдениет жолы, әсемдік пен еңбекқорлықты насихаттайтын таза жол екендігін адал еңбекпен жеткізу турасында уағыз айтып бата берді.