Ағымдағы жылдың 28-ші мамыр күні ҚМДБ ақпарат насихат тобының жетекшісі Рүстем Сыздықов Балқаш қаласында болып, жергілікті Балқаш қалалық гуманитарлық колледжінің студенттерімен кездесті. Кездесуге Балқаш қалалық мешітінің бас имамының міндетін атқарушы Тусупбеков Асылхан қажы, ақпарат насихат тобының жетекшісі Рүстем Сыздықов және колледж ұстаздары мен студенттері қатысты. Бұл шарада Рүстем Сыздықов сөзімен әсерлі әрі барлық жиналған жастарға діннің мәнін терең түсіндірді. Дәстүрлі және дәстүрлі емес теріс діни ағымдардың ара жігін ажыратып уағыз-насихат айтты. Ақын ғұламалардың өлең жырларын өз мәнерінде оқып, дін мен дәстүрдің сабақтастығын айқын ашып айтты. Сонымен қатар бүгінгі ақпарат көздерінің ауқымды дамуындағы заманда жастардың дұрыс бағыттан адаспауы үшін дәстүрлі дін өкілдері мен қажетті мамандардың жөн сілтеу бағытына бет бұруы маңыздылығын  тілге тиек етіп өтті.

[gallery link="file" columns="4" ids="6792,6793,6794,6795"] Бұдан кейін мешіт жамағатымен бесін намазынан соң кездесіп, террорлық, экстремистік топтар жайлы және теріс ағымдар жайлы да айтып, ақиқатында, асыл дініміздің жоғары адамгершілікті дәріптейтінін, өлтіру, өртеу, қырып-жою, қиянат дегендер дінімізге мүлде жат екендігін нақты дәлелдермен түсіндіріп уағыз-насихат айтты. Жамағаттың қойған бірнеше сұрақтарына мәнін мағынасын тереңінен жеткізді. [gallery link="file" columns="2" ids="6796,6797"]

---