31-мамыр қуғын-сүргін құрбандарының күніне байланысты Шет ауданы «Жанқұтты би» мешітінің алдында 30 мамыр күні еске алу кеші өтті. Осы жиынға ауданымыздың ақсақалдары мен апаларымыз, ағаларымыз, аудан тұрғындары көп болып жиналды. Кешті аудан имамы Б.Алпысбайұлы құрбан болған әруақтардың рухына бағыштап құран оқумен бастады. Аудан әкімшілігінен,ақсақалдар алқасының төрағасы және жазушы ағаларымыз тарихи деректерге тоқтап, маңызды мағлұматтар айтты. 1937-38 жылдардағы саяси қуғын-сүргінге ұшыраған азаматтарды атап өтіп ,сол жылдардағы халықымыздың басына туған ауыр жылдарды сөз етті. Ауыл әкімінің ұйымдастыруымен,құрбандарға арнап екі қой сойылып,ақ дастархан жайылып, жиналған көпшілікке мешіт асханасынан ас беріп, бас имам құрбан болған ата-бабаларымызға арнап құран бағыштады.