Әр жылда қалыптасқан дәстүрге байланысты 1 маусым балаларды қорғау күнінде, Саран қалалық мешітінде бүлдіршіндерге арналған шара өткізілді. Атап айтқанда, Саран мешіті ақсақалдары ұйымы демеушілердің көмегімен кішкентай балаларға арнайы сыйлықтар үлестіріп, тәтті тағамдар тарту етті. Қазақ бабамыз «келешегіңді ойласаң бесігіңді түзе» демекші, бас имам Мұқаметқали қажы кішкентай балаларға ислам құндылықтарын түсіндіріп, Шәймұрат ақсақал ақ батасын берді.