Аллаға шүкір, еліміз тәуелсіздігінің арқасында көптеген асыл құндылықтарымызды ардақтап, өткеніміз бен болашағымызды бағамдайтын белестерді бағындырып келеміз. Кешегі «балапан басына, тұрымтай тұсына» дейтін аласапыран заманда ұлтымыздың саңлақтары жазықсыз жазаланып, елім, жерім дейтін жанашырларымыз озбырлықтың құрбаны болған кезеңді халқымыз басынан өткерді. Өткенге салауат айтып, ендігі жерде елдің амандығы мен халықтың тыныштығын тілеу, соған сай іс-әрекетте болу баршамыздың борышымыз. Осы орайда жыл сайын игі дәстүрге айналған саяси қуғын-сүргін құрбандарын еске алу күнінің құрметіне өтетін қаралы жиынға Қарағанды облысының әкімі Бауыржан Әбдішев бастаған зиялы қауым және өзге ұлт өкілдерімен бірге ҚМДБ-ның Қарағанды өңірі бойынша өкіл имамы Өмірзақ қажы Қазкенұлы арнайы қатысты. Еске алу жиынында өкіл имам елім-жерім деп жан пида болған боздақтарға дұға бағыштап, тәуелсіз еліміздің ертеңі жарқын болсын деп бата жасады.

ҚМДБ-ның Қарағанды өңірі бойынша баспасөз қызметі