Әр жылдағы қалыптасқан үрдіске байланысты Саран қалалық мешіті жанында балалар үшін жазғы сауат ашу курсы өз жұмысын бастады. Атап айтқанда жас балаларға, ұлттық әдет ғұрып, тазалық, адалдық, және ислам қағидаларынан дәріс жүргізіліп, алғашқы діни сабақ беріледі. Таңертең келген балалар екі сағат дәріс үйреніп, түс мезгілінде арнайы тәтті тағам ішіп демалады. Сауат ашу курсы жазғы екі ай мерзімінде жалғасады. Сауат ашу курсы  жоспарында балаларды облыстық мұражайға, облыстық мешіттерге, хайуанаттар бағына, басқа да тарихи орындарымен таныстыру жоспарлануда.