Өкіл имам Өмірзақ қажының маусым айындағы «жазғы сауат ашу» курсын ұйымдастыру жайында жолдаған тапсырманың негізінде №1-мешітінің бас имамы Құнанбаев Орманбет қажы жылдағы қалыптасқан игі істі жан-жақты дамыта отырып, мешіт жанындағы діни сауат ашу курсына мектеп жасындағы балаларды топтастырып «Көңілді жаз - 2014» тақырыбымен бастап кетті. Күндізгі курсқа 30-ға жуық әртүрлі жастағы балалар қабылданды. Бас имам балаларға алғашқы дәрісті ашып, үлкенді сыйлау, ата-ананы құрметтеу, дастархан басындағы әдептер, имандылық пен ата дәстүрді сақтау секілді сабақтарды түсіндіріп өтті. Бағдарлама барысында балаларды серуенге шығару, ұлттық ойындармен көңіл сергіту тұстары енгізілген. Діни сауат ашу курсы маусым айының соңына дейін жалғасатын болады.

Қарағанды қалалық №1-мешітінің баспасөз қызметі