Кеше еліміз тәуелсіздігіміздің рәміздерін құрметтеу күнін ерекше атап өтті. Тәуелсіздік тұғырын көкке көтеріп, елдің елдігін көрсететін рәміздерге деген құрметімізді арттырып, көздің қарашығындай сақтауға тәрбиелеу үшін №1 мешіт жанындағы діни сауат ашу курсына жиналған жеткіншектер осы күннің құрметіне арналған арнайы іс-шараға қатыстырылды. Қаламыздың оңтүстік-шығыс бөлігінде орналасқан биіктігі 91 метрді құрайтын «флагштог» туының ашылу салтанатына қатысқан балаларға мешіт имамдары мен ұстаздары туға деген құрметтің мәнін түсіндірді. Тарихи маңызы бар күннің қайталанбас сәтін тамашалаған балалар «Көк тудың желбірегені, жаныма қуат береді» деп әндетіп мешіттегі сабақтарына қайтты. Лайым да еліміздің еңсесі биік, халқымыздың бірлігі бекем, балаларымыздың күлкісі жарқын болып, көк туымыз егемен еліміздің бейбітшілік көгінде мәңгілік желбіресін...

Қарағанды қалалық №1-мешітінің баспасөз қызметі