«Біз әлімсақтан кісілік кейпін сақтауға, ана сүтін ақтауға талпынған, дін мен дәстүрді үйлестіріп, үйлесімді, өнегелі өмір сүрген мұсылман халықпыз. Исламның қазақ топырағына келуімен көптеген жақсылықтарға қол жеткіздік. Салт-дәстүріміз, бітім-болмысымыз Исламмен бітеқайнасып, өркениетке қадам басқан қазақпыз»,-деді Бас мүфти Ержан қажы Малғажыұлы хазрет. Дәл осы мақсат үшін жыл сайын балалардың жазғы демалысын ұйымдастыру қашанда маңызды мәселенің бірі болып келді. Олардың демалыс уақытындағы  имандылық білім мен тәрбие алуына, Ислами танымдық тұрғыда білімін аттыруға жағдай жасау мақсатында ҚМДБ-нан берілген нұсқаулар бойынша мешіттерімізде  жазғы лагерлер ұйымдастырылады.  Балалар жақсылап демалғысы келеді, ал ата-аналар алдында ұзақ оқудан, қиын емтиханнан шаршаған баласының демалысын қалай ұйымдастыру керек деген сұрақ көлденеңдейді? Міне, осы сұранысты қанағаттандыратын бір орын- мешіттер жанындағы күндізгі лагерлер болмақ. Ол лагерь  кез келген балаға өзін көрсетуге, өзін және өзгені сыйлауға, бос уақытын тиімді өткізуге  жағдай жасалған болу керек екені белгілі. Сонымен бірге, Қарағанды облысы, Балқаш қалалық мешітінде жазғы маусымға арналған діни сауат ашу лагері өз жұмысын бастады. Діни сауат ашу курсының жүргізілу кестесі жасалып, дәрістер 09-шы маусымнан 23-ші маусымға дейін жалғасын табады. Олар күн тәртібі бойынша, белгіленген уақыттарда имандылық сабақтарына қатысады. Жазғы лагерге 7 жастан 14 жас аралығындағы 35 бала қабылданды. Күнделікті атқарылатын іс-шараларды оңтайлы ұйымдастырып, балалардың талғампаздығын, жалықтырып алмау жағын, есте қалар шаралардың тәлімділігін ескеруді пысықтаған бас имамның міндетін атқаруш Тусупбеков Асылхан қажы, шәкірттермен сұхбат жүргізді. «Ел болам десең, бесігіңді түзе», - деп Абай атамыз айтқандай жеткіншектерге діни білім алудың мақсаты имандылыққа, ата-анаға деген мейірімді болу, үлкенге құрмет көрсету турасында насихат айтты. Жазғы демалысты балаларға уақыттарын тиімді, қызықты, мәнді де, мағыналы етіп өткізу үшін, Құран әліппесі, Құран оқып үйрену, Мұхаммед пайғамбардың (с.ғ.с.) өмірі жайлы түсінік беру тағы да басқа дәрістер тыңдап, араб тілінен сабақ жүргзіліп, спорттық шаралар ұйымдастырылатын болады.