Ислам діні адамзатты ілімге, бауырмалдыққа, мәдениет және өркениетке үйретеді. Бас мүфти Ержан қажы Малғажыұлының мешіт төңірегін көгалдандыру және гүлдендіру ұсынысын қолдай отырып және Қарағанды облысы өкіл имамы Өмірзақ қажы Қазкенұлының тапсырмасын орындау барысында Теміртау қалалық мешіт жамағаты мешіт төңірегіне жас талдар егіп әсем гүлдер отырғызды. Жақсы іс-шараға жетекшілік еткен Теміртау қалалық мешітіне жаңадан бас имам болып тағайындалған Қанат Анасұлы пайдалы өнегелі жұмысқа жәрдем еткен мұсылман бауырларымызға Ислам жолы өркениет жолы, мәдениет жолы, әсемдік пен еңбекқорлықты насихаттайтын таза жол екендігін адал еңбекпен жеткізу турасында уағыз айтты. Бас имам Қанат Анасұлының мәнді де, мағналы уағызының арқасында мешітке келуші жамағаттар көбейе бастады.